湯洛雯瘋狂擺Pose 馬國明郁都唔郁
視帝馬國明與湯洛雯(靚湯)結婚後,不時公開放閃晒恩愛,羨煞旁人!昨日靚湯於社交網晒出多張甜蜜合照,兩公婆打扮休閒,靚湯穿着粉紅色外套搭配長褲,對鏡頭不停轉擺Pose,一時做出勝利手勢,一時向老公嘟嘴錫錫,每張合照都不同姿勢,足見活力。相反馬國明則全程維持同一表情狀態,面帶微笑注視着鏡頭,讓靚湯忍不住笑說:「點解可以完全冇郁過,我是瘋狂粉絲嗎?」而馬國明留言回應:「因為諗唔到第二個表情……」不少網民笑指馬國明是「天然呆」,又指兩人好Sweet。
東方日報
3 日前