搜尋結果
3.發揮潛能. 在香港，相信有不少人都有在大專所就讀的科目並不是他本身所喜愛的範籌，而是因為想「入大學」而選擇了一些分數較低的科目。. 而做斜槓族就正正可以發揮潛能，可以同時發展自己的長處，以自己本身的興趣去賺取金錢，亦可以同時為自己儲蓄 ...
- 1）林二汶（Eman Lam）
- 2）倪晨曦（Elva Ni）
- 3）卓韻芝（Vincci Cheuk ）
- 4）陳珍妮（Jenny Chan）
- 5）鄭麗莎（Lisa Cheng）
- 6）吳天麗（Cat Ng）
- 7）Will Cho
- 8）小克（蔣子軒）
- 9）陳莉敏（Queenie Chan）
- 10）袁彌明（Erica Yuen）
「要做自己的老闆！」「我就是Slash！」係林二汶於新書對自己身分嘅看法。成為獨立歌手可以話係佢追求自由、自主人生第一步，但佢認為雖然音樂係佢才華本位，但仍然想開展唔同領域專長分，如廣告旁白、專欄作家等。佢深信Slash唔係區別專才與通才，而係你有冇去管理同成就自己嘅人生。 （林二汶Facebook：https://www.facebook.com/lamtwo）
靚女倪晨曦係多倫多拎咗華裔小姐冠軍後，轉戰香港做模特兒。靚女當然多曝光率，有拍戲、拍廣告、做司儀同節目主持。不過，倪晨曦唔係得個樣㗎！佢仲有教瑜伽、開網店做老闆娘、開Youtube同出書教人扮靚靚。果然係內外兼備嘅Slash！ （倪晨曦Facebook：https://www.facebook.com/misselvanini）
卓韻芝13歲就開始任職DJ，因節目芝see菇bi而為人熟悉。一直以來，從事不同影視相關工作，如導演、主持人、編劇、演員、聲演、填詞、廣告代言、藝術企劃。除此之外，佢有創作漫畫、開騷大搞棟篤笑，近年仲拉埋婆婆一齊做Slash搵真銀，推出書籍《今日阿婆金句》同做旅遊節目。 （卓韻芝Facebook：https://www.facebook.com/cheukwanchi）
陳珍妮人稱「Slash Queen」，好多人記得佢當年從事TVB新聞女主播以及後來著作《TVB新聞部血淚史》批評大台刻薄新人。脫離全職工作後，Jenny工作更奔波忙碌。見多識廣、口才了得令佢頻頻接Job，有做雙語司儀、節目主持、巿場推廣、撰稿員、翻譯、語言訓練、影子寫手、法文老師、英文老師，以及股票時事評論員。Jenny仲有幾個鮮為人知嘅興趣，就係舞蹈表演同術數啦！ （陳珍妮Facebook：https://www.facebook.com/jenny.chan.1238） 想知更多陳珍妮的Slash心得，即睇： 【Slash Queen 陳珍妮】自由工作致勝攻略：做 Slash 一樣搵到錢買樓
對於鄭麗莎嘅印象，好多人記得佢係「蜘蛛女」，除咗因為佢搶包山叻，更因為佢百足咁多爪。既係香港健美、攀石、體操隊代表成員，同時擁有健身、攀石、體操、拳擊、泰拳、健康舞、健康球、肚皮舞教練資格。更擔任多間大專院校客席講師、電視節目主持、專欄作家、模特兒、舞台劇演員、動作特技演員及品牌代言人。自從生咗三胞胎後更成為媽媽界嘅網絡紅人。如此有自信與能力，佢作為Slash當之無愧。 （鄭麗莎Facebook：https://www.facebook.com/spiderlisa）
另一位運動員出身嘅Slash就係吳天麗。佢係香港女子沙灘排球代表隊員，曾代表香港出戰仁川亞運。佢另一個特別身分就係紋身師傅，佢亦喺自己腳上紋上金紫荊圖案。近年，吳天麗破格主持ViuTV全新體育節目《體育係……》，絕對係新嘗試！ （吳天麗Facebook：https://www.facebook.com/ngtinlai）
80後Will Cho，係香港其中一個貼地嘅Slash代表。何謂貼地？佢同香港好多年輕人一樣，沒有彪炳學歷，更曾放棄IVE課程到咖啡店兼職侍應幾年。對於佢嚟講，服務業唔係做自己。為咗平衡生活，佢周而復始地兼職與旅行，孤身上大東山拍攝夜空。靚相於網上瘋傳，得到過千個Like，被喻為「銀河小王子」。機遇令佢得到唔同人垂青，嘗試做風景攝影師、廣告主角、寫專欄以及幫電視台主持行山節目。 （Will Cho Facebook：https://www.facebook.com/willcho.colate）
小克係香港本土漫畫家，因雜誌連載漫畫《聾貓》而廣為人知。小克能畫能作，佢拿手為廣東歌填詞，代表作品有Mr.的《如果我是陳奕迅》，亦有惡搞流行曲歌詞。有佢年輕時，畢業作品動畫片受賞識，以Freelance形式跟導演王家衛做創作。另有接廣告界工作，做插畫師畫Mood Board。 （小克Facebook：https://www.facebook.com/panda.a.panda.hk）
陳莉敏95年落選港姐後，做過空姐同模特兒。不過，最受關注係佢驚人嘅整容次數，高達30多次。貪靚嘅Queenie毫無保留喺網上分享佢整容、扮靚同兩性關係心得，瀏覽率近9,000萬。佢亦自稱為「香港首位Web-J」、「慈禧級博客」、「YouTube大姐」。Queenie成名後，有做節目監製、真人騷主持、專欄作家、醫美顧問、網上商店創辨人、專欄作家、食譜作者、飾物設計師以及創意總監。 （陳莉敏Facebook：https://www.facebook.com/msqueeniechan）
袁彌明退出娛樂圈後，為報社同雜誌撰寫專欄以及錄Youtube片教人扮靚同政治知識。佢成立護膚品和雜貨專門店「袁彌明生活百貨」，擔任老闆娘。除此之外，袁彌明曾經係政黨主席，曾參選立法會議員，政商兩邊走。 （袁彌明Facebook：https://www.facebook.com/ericayuen） 睇完以上「10大傑出青年 Slash」，係咪對Freelancer另眼相看呢？其實你絕對有本錢做Slash，俾自己自由選擇唔同工作以及拎更多實戰經驗啦！如果你有任何才華或對某種工作充滿熱誠，千祈唔好埋沒咗佢。正所謂「行行出狀元」，有心有力就可以成事！ 想留意市場上有乜工作？想透過平台聯絡更多客戶？即上HelloToby登記成為專家！ 立即登記 >>>【 提升信貸評級 】 環聯信貸報告 必須認識的7...
以下是在中文DSE中常見的實用文種類： 1. 書信 致函：正式的書面通信，常用於商業或學術場合。 覆函：對收到的信件進行回覆，需保持內容連貫性。 邀請函：邀請收件人參加特定活動或事件。 公開信：寫給公眾的信件，通常用於表達觀點或資訊。 私人信：個人間的非正式書信，用於交流個人想法 ...
- (324)
唔少人會認為Freelance係賺外快嘅途徑，但都有人會視Freelance係變成One-man Band嘅過程，甚至係開公司創業嘅踏板。其實要成為一個成功嘅自僱人士都有特別技巧，如果只以盲目接Job嘅心態，你可能只係個勤力密密做嘅One-man Band，但唔係一個成功、廣為客戶熟悉嘅自僱人士。如何才能達致成功？自僱人士 ...
2024 DSE 中文卷二應考策略：時間分配. 由於2024 DSE 中文卷二新增了甲部實用文寫作，因此建議學生要在45分鐘內完成甲部，至少預留90分鐘作答乙部問題。. 建議考生要於1分鐘內選好題目，可以在檢查試卷時留意3題的關鍵字，在等待開考時想好寫作方向。. 接著再 ...
以下Toby為大家推薦2024香港10大Spa按摩店推介，包括男士spa、情侶spa、泰式spa按摩推薦等，享受香港高質spa按摩服務，大家可以好好放鬆！. 男士按摩現時在香港已非常普及，享受高質按摩就看Toby推介. 1. 香港Spa按摩推介：SERENE SPA 瀞. SERENE SPA 瀞 位於香港北角，其 ...
客廳設計最重要的是電視擺放的位置，通常電視會擺在沙發正前方、客廳中央的位置，所以電視擺放的方向和位置，會影響整個客廳格局的規劃。. 除了要掌握電視高度，也要調整電視與茶几及梳發之間的距離，採用更人性化設計的客廳才會坐得舒服。. 除此之外 ...
