搜尋結果
2017年10月8號，佢喺微博公開女友係關曉彤，引發脫粉事件（偶像失格），在此之前佢同另一位女方炒cp，引致女方經歷網暴，歷時三個月，其後公開女友。 2021年4月20號，因女友冇送生曰祝福上熱榜，其女友於23:31卡點送上祝福，23:31意味兩人歲數。 其fans同女友對抗，又脫粉。 廣告代言. 2014年：韓束KanS一葉子面膜. 2015年：百度地圖、伊利味可滋、美麗說、 OPPO R7s. 2016年： 佳潔士 、 聯想 小新筆記本、玖玖愛六糧麵、 KFC 、 卡地亞. 2017年： 可口可樂 、 ofo共享單車 、 王者榮耀 、 歐舒丹 、 QQ瀏覽器 、 VIVO 、中國之造ChinaMade 品牌官方公益形象大使、鈣芝（Cal Cheese）芝士奶酪威化餅乾.
今天只做一「健」事 A Daily Dose of Well-being 類型 資訊 導演 楊允中 主持 李昭南、阮子健、鍾慧冰、 郭澧羲、羅允芝、安冬晴、 袁綺雯、何居倬、張達倫、 楊詩敏、陳樂庭、王鋒 製作國家／地區 香港語言 粵語 每集長度 30分鐘（連廣告） 主題曲 今天只做一件
- 當事人同背景
- 過程
- 影響
- 評論
吳亦凡，加拿大籍華人歌手，前EXO成員（已經喺2014年退出）。都美竹，中國傳媒大學20級影視編導專業學生，依家係讀緊書。其他七位唔知名嘅受害人。都美竹爆料
2021年5月28號，吳亦凡畀人爆出響電影院同網紅「小怡同學」（中國一級體操運動員陳紫怡）約會，呢條片畀人放上網後引起好多討論。吳亦凡工作室話電影院侵害咗佢嘅私隱，又指出吳亦凡係同一班朋友去電影院，而條片係畀人剪過。同日，又有人話佢早就同「小怡同學」分手，依家嘅女友係「象韻潔」（「象韻潔」後嚟話自己唔係）。 6月2號，另一位網紅「劉美麗同學」發文話自己發呢篇文章係為咗「令到網友能夠認清吳亦凡嘅渣男行為」，又放上自己同老友、19歲女當事人都美竹嘅微信記錄。佢話，吳亦凡早就響舊年12月同都美竹拍拖，之後突然玩失蹤，最後發現後來佢去食第二條女「小怡同學」，令到都美竹好傷心，甚至冇心機返學。而另一位話自己係都美竹個家姐，都話佢搞到美竹精神變差。 7月8號，都美竹響微博大爆吳亦凡有一個專門加少女嘅微信帳號（依家已經刪除），以「揀MV女主角」、「工作室簽新人」等等理由，呃啲女仔去飲酒、參加酒局，乘機灌醉佢哋，又用「我會對你負責」等等，同佢哋上床。吳亦凡工作室無耐即刻就唔認數，仲要求都美竹即刻刪咗佢，再唔係就告佢。都美竹話自己唔驚畀人告。同日，都美竹話自己收到好多恐嚇。 7月16號，都美竹又爆...
協商失敗
7月16號晚，都美竹公開同吳亦凡工作室嘅微信紀錄，對方講對唔住，又話要協商，仲提出可以畀錢佢。都美竹開頭話自己加埋其他受害人一共有八位，所以要求八百萬，之後最終協商二百萬。都美竹一度諗住接受賠償，但對方要求佢刪咗之前發嘅文章，仲要求佢自己話之前爆嘅料都係假嘅；而都美竹要求吳亦凡本人公開講對唔住，但對方話「唔可能」，仲話已經請咗律師，又同佢講：「我哋好可能會告贏你。如果我哋傾點數，解決咗件事呢，就都係唔想搞到太複雜，而且我哋可以唔追究你。」 7月17號，雙方決定「成交」，即吳亦凡工作室賠二百萬畀都美竹；但事前吳亦凡突然要求都美竹公開其他七位受害人嘅資料，都美竹覺得吳亦凡冇心解決呢件事，所以就唔同意，協商失敗。 7月18號，都美竹響微博發相，證明自己已經退返五十萬畀吳亦凡工作室（吳亦凡工作室開頭畀定五十萬佢）。
吳亦凡嘅回應
7月19號，吳亦凡響微博回應都美竹嘅指控： 同日，吳亦凡工作室發表聲明，話吳亦凡已經報咗警，而差人都已經開始調查，又話都美竹發表嘅多篇文章同埋講嘅嘢係假嘅。同時，工作室話佢哋從來都冇註冊過微信賬號，都美竹發嘅聊天記錄都係假嘅，又發表律師聲明。晚上，吳亦凡工作室再次出嚟講嘢，重申吳亦凡淨係響2020年12月見過都美竹一次咁多、佢發出嚟嘅嘢全部都係假嘅、工作室從來都冇註冊過微信賬號、吳亦凡阿媽因為承受唔到所以先至代吳亦凡轉咗五十萬畀都美竹等等。 7月20號，吳亦凡工作室發表文章，指出都美竹所講嘅嘢都係假嘅，列出幾個證據： 1. 都美竹發咗八封信，威脅吳亦凡畀錢佢。 2. 都美竹背後係一大班人響度炒作，策劃出呢單嘢。 3. 都美竹偽造記錄，仲將錢轉咗畀第二個人。 4. 都美竹講大話，話已經退返五十萬畀吳亦凡工作室，其實根本都冇。
「吳籤」
7月18號晚，都美竹響微轉嘅一篇文章上話吳亦凡好鬼自戀：響佢同吳性交嗰陣，吳同佢講：「我個度（性器官）好大，你要忍下」，仲希望美竹認同佢講嘅嘢：「我嗰度大唔大啊，前女朋友都話好大架」。都美竹話性交得個幾分鐘，而吳亦凡仲響事後同女方講：「點啊，我係咪好勁呢」。都響文章入面建議吳亦凡改名叫「吳籤」，因為實際嘅感覺就係想撩鼻屎嗰陣要用手指但就攞咗牙籤。 網民受到都美竹嘅「吳籤」影響，幫吳亦凡起咗好多花名（有「籤籤君子」、「吳痛針灸」、「見亦思籤」、「籤夫的愛」等等）；又整咗好多梗圖。
其他受害人
受到都美竹嘅影響，其他畀吳亦凡侵犯或者傷害過嘅女仔都出嚟講嘢。7月19號，中國女藝人張丹三響微博上話，吳亦凡成日想約佢到飯店，又問佢有冇同其他人發生過性關係，仲話「吳第一次見面就摸我個bra」。 2014年，吳亦凡爆出同林西婭嘅床照，而女方亦畀人鬧咗好多年。依家輪到吳亦凡畀人爆大獲，林西婭響微博話：「等咗七年，我終於等到正義同正名」，又話自己演藝生涯大受影響，亦話自己呢七年完全冇解釋嘅機會。 7月23號，一位叫「暴躁小當ris」嘅人話自己都差啲畀吳性侵，仲響同一日去差館錄口供。佢話，當時收到吳亦凡工作室嘅人邀請佢去參加吳嘅酒局，一去到畀人收手機、又唔準佢中途走佬；現場包拮當事人在內一共有二十女四男。之後有一個男人話畀佢知，如果佢去香格里拉酒店陪吳亦凡瞓一覺，就可以攞到佢嘅微信，如果唔係就唔畀。「暴躁小當ris」唔制，就差啲畀人強行拖上車，最後係佢走得快先至冇畀人捉住，事後佢覺得好唔舒服。 至於響兩年前被爆同吳亦凡拖手仔嘅秦牛正威，話已經「徹底放下」同吳亦凡嘅戀情；又話時間真係可以撫平一切，佢都釋懷咗。另外有網民同佢講對唔住。 8月6號，美國南加州橙縣女律師王婧話，吳亦凡涉嫌響洛杉...
商業合作
7月18號，化妝品牌韓束響官方微博話已經單方面畀吳亦凡《解約告知函》，唔再同佢有任何商業合作。同日，中央廣播電視總台旗下嘅雲聽客戶端亦決定唔再同吳合作，唔再畀佢做「聲音推薦官」。 7月19號，先後有好多牌子，就好似華帝、康師傅、Tempo紙巾、王者榮耀、立白、騰訊視頻、保時捷、蘭琴（Lancôme）、良品鋪子、樂堡、滋源，宣佈同吳解除商業合作關係。而路易威登就宣佈暫停吳亦凡嘅合作關係，話等到調查結果出嚟先至再計。 7月20號，化妝品公司Bvlgari同L'Oréal S.A亦宣佈唔再同吳合作；而遊戲公司Ubisoft就響同日將吳亦凡作嘅歌《大碗寬麵》響旗下遊戲Just Dance 2020入面落欄。 當吳亦凡響7月23號畀公安拉咗之後，先前只係同佢暫停合作關係嘅路易威登即刻唔再受佢玩。 到依家，決定唔再同佢合作嘅有成15間公司，當中唔少係國際牌子。
官方媒體
7月20號，央視網發表評論話「藝人唔單止係一種職業仲係有巨大責任」，指出吳亦凡單嘢已經唔係八卦新聞，而係影響重大嘅法律案件同埋公共事件，要求有關部門全面調查，又話呢幾年有藝人私生活唔好、品德差，又嫖娼、飲酒後揸車、打人、吸毒，對社會影響惡劣，有必要做出具有針對性制度嘅約束，對呢啲藝人「零容忍」。同時佢又轉述中國演出行業協會嘅微博發文，話「無論係制裁，定係自戒，都要根據事實，唔能夠單憑『爆料』」。 7月31號，《人民日報》微博發表評論，話「吳亦凡有外國國籍並唔係護身符，名氣再高都唔會畀人豁免，邊個犯法邊個就要接受法律制裁。」，又指出要整治娛樂圈「亂象」。 8月2號，新華社發表評論，叫做《吳亦凡事件給演藝界再次敲響警鐘》。響文章入面除咗要求演藝圈「開展自查自糾」，仲要「對劣跡藝人一封到底，對涉嫌違法犯罪者依法嚴懲」。
同業公會
中國電影家協會、中國音樂家協會、中國電視藝術家協會同中國演出行業協會響8月2號一齊發出聲明。影協指出吳呢單嘢嚴重影響演藝界嘅風氣，要求其他藝人都要堅守藝術初心，遵守法律。音協就話吳亦凡嘅行為對社會影響好差、發人深省，叫各位音樂人爭取做個「有信仰、有情懷、有擔當嘅新時代音樂工作者」。視協話「法律、道德，都係紅線」，鬧吳有外國籍唔代表佢有特權，對犯罪「零容忍」。至於演出行業協會就話，吳亦凡單嘢揭露咗演圈有好多問題，明星嘅背後以「割韭菜」做目的嘅「短視資本」，並唔可以正確噉引導藝人嘅行為，甚至係「遮醜」、「護醜」、「助惡」，呢類行為會直接敗壞社會風氣、拉低道德同埋良知嘅底線，演藝界要堅決抵制，失德藝人亦會被加入行業「黑名單」。
MeToo
對於呢單嘢可唔可以推動中國MeToo運動，各路師爺有唔同見解：有人認為單係都美竹爆嘅料，唔足以證明呢個係MeToo，甚至認為女方講法有可疑，發生性行為可能係自願；不過亦有人認為呢單嘢正正係因MeToo，先至鼓勵到受害嘅女性走出嚟，令到女性可以改變自己，唔再畀男權社會控制。
陳嘉靖（英文：Deer Chan，1997年 2月14號—），綽號「鹿 兒」，係香港女電競手兼模特兒，2016年加入香港頭一隊電子遊戲《英雄聯盟》女子職業電競隊PandaCute做隊長。 演出 電視節目 2019年：無綫電視 ...
周曉彤（粵拼 Ivy Chow，1987年 5月8號— [1] ）係香港女藝人，未成年時已係香港做模特兒，之後入咗娛樂圈，係前女子組合MVG其中一位成員。 組合解散後個人發展。 簡歷 周曉彤曾經喺法國同瑞士生活。 2011年，佢畀香港經理人漢洋睇中而簽約，加入跳唱組合MVG成為最後一位嘅成員，曾獲新城女子組合 ...
簡歷 陳麗柔喺沙田崇真中學畢業，之後升讀香港公開大學人文社會科學院，主修創意寫作與電影藝術 [1]。 2013年，佢參加由《FACE》主辦嘅第6屆UStar大專校花校草大選 [2]，係20強之一，同年參賽者仲有女子組合Bingo隊長關嘉敏、寰亞嘅湯加文同2014年香港小姐季軍何艷娟。
楊穎（粵拼 1989年 2月28號—），藝名Angelababy，係香港嘅模特兒兼演員，喺上海出世。 2004年出道，因做過《香港迪士尼樂園Viva! Club Disney》節目主持而出名。2013年1月俾《南都娛樂周刊》登佢做「四小花旦」嘅稱呼。2015年10月8號同內地藝人黃曉明結婚 [1]，至2022年1月份宣佈離婚。
