搜尋結果
其他比賽
2023年11月19日 · Tweet. 愛華頓面臨破產危機。 (Getty Images) 愛華頓因為違反財政規例,被英超賽會判罰扣聯賽10分之後,餘波未了,根據英國《每日郵報》爆料,般尼、列斯聯、李斯特城計劃以愛華頓造成「不公平競爭」,導致呢3間球會降班為由,合共向「拖肥糖」追討3億鎊 (約29億港元)賠償,如果愛華頓無法支付賠償,將面臨破產,並再扣多9分。 愛華頓承認於2021/22年度違反利潤及可持續發展規則(PSRs),該季「拖肥糖」最終排英超16位護級成功,般尼排英超尾三降班,般尼會方認為愛華頓違反財政規例,取得「優勢」先至護級成功,既然「拖肥糖」現時罪成,就應該賠償般尼當年降班嘅1億鎊損失。
2024年5月12日 · 香港時間. 05月12日 (日) 16:03. Tweet. 愛華頓負債累累。 (Getty Images) 根據英國《太陽報》爆料,愛華頓已經非常接近破產,如果最終成真,將會被自動扣聯賽9分,但問題在於到底係扣今季積分,抑或下季執行追扣,成為球隊未來發展關鍵。 愛華頓現時債務達到5.83億鎊 (約57億港元),加上原本有意收購「拖肥糖」嘅美國財團777投資公司,因為捲入商業詐騙案,導致交易失敗。 如果愛華頓班主莫舒利未能搵到新買家接手,球會就好大機會破產,會被自動扣聯賽9分。 愛華頓因為財政違規,今季英超已被扣8分,球隊喺周六 (11日)晚聯賽憑杜哥利入波,主場以1比0擊敗錫菲聯之後,現時領先尾三盧頓14分,剩下1輪聯賽,即使再扣9分,都唔會降班。
2023年5月29日 · Tweet. 愛華頓 (右)保住英超席位。 (Getty Images) 周日(28日)英超煞科日焦點落晒喺護級戰,愛華頓、李斯特城、列斯聯3隊只能活1隊,最終愛華頓擊敗般尼茅夫,保住喺英超從未降班嘅金漆招牌,相反李斯特城與列斯聯則護級失敗。 自從英超成立後,愛華頓係未嘗降班球隊之一,佢哋賽前排尾4,領先李斯特城同列斯聯2分,今仗主場迎戰已上岸嘅般尼茅夫,只要贏波就肯定護級成功,一開波即控制戰局,伊祖沙古爾兩度埋門惜被對手門將救出,半場互交白卷。 易邊後愛華頓更加積極搶攻,57分鐘藉杜哥利遠射得手打破僵局,最終險勝1比0。 另一邊廂,列斯聯主場以1比4大敗畀熱刺,李斯特城雖然喺主場以2比1擊敗韋斯咸,但由於愛華頓贏波,令佢哋護級失敗,與之前已篤定降班嘅包尾大幡修咸頓,齊齊下季英冠見。
2023年12月15日 · 香港時間. 2023年12月15日 (五) 18:03. Tweet. 愛華頓正等待新班主上場。 (Getty Image) 愛華頓因違反財政公平條例,被英格蘭足總重罰扣10分,聯賽捲入降班漩渦,雖然佢哋近期瘋狂搶分重現曙光,不過賣盤畀美國私人投資公司777 Partners一事仍未落實,據報如果今年底前未能易手,愛華頓可能要喺1月賣人「保命」。 777 Partners收購愛華頓一事仍然進行中,報道指成事機會樂觀,問題係如果趕唔切喺新年前完成,喺現任班主莫舒利唔再投資下,愛華頓會出現營運困難面臨破產管理。
2023年9月15日 · Tweet. 愛華頓變天。 (Getty Images) 愛華頓周五 (15日)宣布,出售球會予美國私人投資公司777Partners,班主莫舒利手上94.1%股權全部轉讓,據報作價不少於5.5億鎊 (約53.5億港元)。 愛華頓及莫舒利在官網發表聲明,宣布股權易手,由美國私人投資公司777Partners接手。 傳媒報道,預計股權交易將於今年底前完成,期間要獲得英超賽會、足總、金融行為監管局批准。 報道指,愛華頓部分資金來自俄羅斯,俄羅斯遭制裁後,莫舒利努力尋找新投資者,最終搵到777Partners接手,777Partners熱衷投資足球領域,先後投資意甲熱拿亞、西甲西維爾、巴甲華斯高、德乙哈化柏林、澳職墨爾本勝利等,嚟緊將再加入愛華頓。
2024年2月26日 · Tweet. 愛華頓獲發還4分。 (Getty Images) 英超官方宣布,愛華頓早前違反盈利和可持續發展條例量刑減少,由扣10分降低至扣6分,排名即時由17位反彈至15位。 由於愛華頓在指定期內虧蝕1.245億鎊,超過1.05億鎊範圍,遭英超賽會重罰史上最高嘅扣10分,「拖肥糖」提出上訴,結果英超賽會由減少扣分,由扣10分降至扣6分,愛華頓即時獲4分進帳,愛華頓發表聲明,對判決感到高興。 愛華頓獲發還4分,令英超護級形勢出現變化,原本愛華頓排17位,僅比降班區18位嘅盧頓多1分,依家愛華頓比盧頓多5分,排名更超越賓福特同諾定咸森林,升上15位,處於一個相對安全位置。 關鍵字. 英超. |. 愛華頓. 相關新聞. 最高瀏覽. 05月02日 (四) 23:01.
2023年12月28日 · 周四 (28日)凌晨英超賽事,上星期捧走世冠盃冠軍嘅曼城,作客3比1反勝愛華頓,喺積分榜重返前4位置。. 曼城今仗入局較慢,上半場更落後0比1,領隊哥迪奧拿喺休息期間用球員波衫上嘅「世界冠軍金章」作激勵,果然令曼城翻生,再一次上演絕地反擊 ...