搜尋結果
2021年12月22日 · 狄志遠. 【本報訊】成功連任的立法會主席梁君彥昨早與多位功能組別候任議員會見傳媒，冀議會摒棄黨派之爭，以「廣角鏡」看待問題、以「多聲道」問政。 唯一非建制派、社福界候任議員狄志遠則表示，新稱號是「1:89」，懷着孤單心情進入議會，指出不少議員關心福利政策，強調黃藍對決已成歷史，作為非建制派一員，爭取民主是必然，因為有社會支持，不擔心一人在議會。 不過，狄下午召開記者會時就指，雖然是唯一非建制派，但不會感到太孤單。 至於在民生問題如福利及教育方面上，他認為仍有很大空間可與建制派合作，強調在共同社會利益上不會有政黨門戶之結。 歷史性排除自動當選.
2023年5月27日 · 狄志遠成功加入兩個小組委員會。 為防止泛民主派重演拉布鬧劇，上屆立法會修訂議事規則，加入各事務委員會、小組委員會同草案委員會都採取名單配額制，結果無埋堆嘅議員都好難爭到入去，尤其係啲「熱門」話題嘅小組委員會同草案委員會。 現時有兩名議員冇加入任何名單，就係非建制派、社福界議員狄志遠同田北辰（田二少），而狄志遠唔單止有零的突破，仲打孖嚟添！ 但唔知係咪捉蟲，佢竟然冇報名加入討論區議會選舉改革嘅小組委員會，而呢個小組委員會仲未滿額嘅。 實際上，立會內各個板塊都有協調加入18個事務委員會嘅議員，同埋正副主席嘅人選，而狄志遠同田二少都入咗部分事務委員會，但遇到啲小組委員會同草案委員會就想爭都未必爭到。 依家內會底下有4個小組委員會已開展工作，而近日亦新增11個小組委員會，即係合共15個小組委員會。
狄志遠冀財委會再討論政府重組架構撥款，但得唔到其他議員和應。 指增設副司長使費大 財會表決前圖再討論. 下屆政府喺7月1日就會落實增設3名副司長同埋3司15局嘅架構重組方案，當中涉及新增開支9,500萬元。 開位建議早前已討論完，會交畀財務委員會表決，但社福界議員狄志遠就要求財會議而再決，但係冇其他議員肯「埋堆」，湊唔夠數冇得傾嘞！ 明明之前有個別議員都傾向財委會再傾㗎，點解轉軚呢？ 財委會主席陳健波就笑言，係人心嘅轉變喎。 係咪呀？ 抑或建制派唔想幫人抬轎，兼且驚畀人鬧阻頭阻勢呀？ 話說人事編制小組委員會早前通過開位建議後，狄志遠隨即去信財委會主席陳健波，要求財委會喺下次嘅會議能夠進一步討論政府重組架構撥款。 但截至前日，只得佢一個人提出，即使某啲黨派曾贊成再討論，但最終轉軚。
2022年12月10日 · 立法會內務委員會尋日討論議會日常事務期間，議員狄志遠形容下周三嘅前廳交流會舉行時間「唔理想」，要勞煩議員喺議事廳同前廳「轉嚟轉去」，而當日佢打算就兩個議員議案發言，但又想同民政及青年事務局局長交流意見，關注點解會有咁嘅安排，希望日後能有所改善。 狄志遠話音剛落，陳克勤就反駁話依家好多委員會都出現撞期，認為狄志遠要去前廳交流會都有機會喺議事廳發言，嘲諷話「佢話佢怕撞會，但我都唔係成日見佢喺大會嘅會議廳裏面喎，係咪先？ 」語畢即引嚟哄堂大笑。 廖長江打圓場 「一次半次就算」 就陳克勤嘅發言，廖長江好認真咁作出澄清，指立法會所有委員會嘅舉行時間，一定唔會同大會重疊，因為大會係非常重要；又認為前廳交流會屬於半官方聚會，同立法會會期相撞的確係「有欠妥當」咁話，不過一次半次就算啦，只希望「下不為例」。
2023年3月29日 · 狄志遠指自己同官員向來都係「有傾有講」，屬工作關係而非對立，況且晚宴活動亦睇唔到乜嘢政治風險。 佢話最初曾有局長表示有意出席，但問完之後又冇咗下文，狄志遠慨嘆話「完全閱讀唔到佢哋」，不過狄志遠就話因為咁，尋晚係一個「百分之一百嘅民間聚會」。 至於出席嘅民主派人士，就包括民主黨元老李華明、吳永輝，其中李同狄過去仲係匯點成員添！ 既然咁老友，李幫手籌款可謂義不容辭，不過當佢回顧過去曾籌得款項30萬嘅輝煌成績，不禁自嘲話依家連3蚊都唔知有冇喎；作為黨主席嘅狄志遠就拍賣自己親手做嘅作品，好似陶瓷碗、肌理畫咁，仲有副主席送出嘅英超球星謝拉特簽名球衣添！ 建制派都有唔少議員出席，譬如何俊賢、陸瀚民、陳仲尼、林振昇、姚柏良、周小松。 其中何俊賢就一手包辦，宴席嘅所有雞隻。
2022年4月12日 · 身為唯一一個非建制派議員嘅狄志遠，早喺任期開始時曾承諾會喺上任100日內，提出重啟政改議員議案。轉眼間100日已過，相關議案仲係唔見影喎，開咗期票冇兌現。
2023年7月5日 · 狄志遠. 《2023年區議會（修訂）條例草案》今日喺立法會恢復二讀辯論，建制派普遍都支持政府嘅方案，至於向以議會唯一非建制自居嘅議員狄志遠又會係咩取態呢？ 將近66歲 揚言年底唔參選. 過去狄志遠出席有關區議會改革嘅小組委員會，曾指出區議會新舊方案嘅民主成分有明顯落差，又質疑區議員所交代嘅對象唔係市民，而係政府。 不過，佢最終都打算投下贊成票，指若要繼續要以非建制派議員發聲，大方向上都唔可以同政府差太遠，加上佢相信香港最終都會行民主嘅道路，都應該喺立法會「霸個位」。 但佢又話自己將近66歲，唔知可以繼續投身幾耐，對此感到有啲遺憾。 至於年底區議會選舉，狄志遠直言唔會參加啦，不過佢嘅政黨估計會派3人出選，鑑於間選同委任唔夠同其他人爭，所以目標指向直選議席，包括九龍西及將軍澳區。
