搜尋結果
MoneyHero比較金融產品、撰寫理財資訊、設計個人化體驗，助你洞悉底蘊，輕鬆找到最適合你的金融產品，更快達到理財目標。 聲明﹕MoneyHero致力確保網站提供的資訊是最新及最準確。網站所顯示的資訊或與金融機構或服務供應商之網站有所出入。
- 龍脊（港島徑第8段）
- 鶴咀
- 柏架山道至大潭道（港島徑第6段）
- 山頂至薄扶林道（港島徑第1段）
- 梅窩至愉景灣
- 馬鞍山郊遊徑
- 河背水塘家樂徑
- 小夏威夷徑
唔少朋友頭幾次行山都會行到呢條路線，一般行山人士都簡稱為龍脊，其實正式嚟講呢段路係屬於港島徑第8段。呢條路線鄰近市區，交通算方便，難度唔算高，小編認為初學者都可以應付到。沿途風光明媚，行到最後仲可以喺大浪灣沙灘睇日落添。龍脊受歡迎嘅程度連著名旅遊指南Lonely Planet 都將佢評為「香港最佳遠足路線」，美國嘅CNN亦都曾經推介過，難怪每逢星期六、日都人山人海。 難易度：★★★☆☆ 長度：約8.5公里 所需時間：約3小時 (不包括拍照及休息時間) 出發交通：港鐵筲箕灣站A3出口筲箕灣巴士總站坐9號巴士至土地灣站落車 回程交通：大浪灣坐紅Van / 步行至石澳道口坐9號巴士回港鐵筲箕灣站 路線：土地灣 -> 打爛埕頂山 -> 龍脊 -> 馬塘坳 -> 大浪灣
同樣喺港島東南部，鶴咀都算係熱門嘅路線，最著名嘅打卡影相位係鶴咀海岸保護區度嘅鯨魚骨標本，呢個標本係由海洋公園著名殺人鯨海威製成嘅，近年已成為鶴咀嘅地標。鶴咀呢條路線要行嘅路大部分都係石屎路，特別係去程落斜比較輕鬆，只係回程上斜要略花氣力。除咗剛提到嘅鯨魚骨標本外，更加有香港最古老嘅德忌立角燈塔（1875年啟用）同埋2個海蝕洞，十分適合影相打卡，單睇環境分分鐘以為自己身在外地添！不過大家行近海蝕洞時都要留意天氣同潮水漲退情況，注意安全。 （註：由於鶴咀海岸保護區嘅成立係為保區內重要生物及其生境，除咗獲准進行嘅科研活動外，游水、船艇活動同釣魚等水上同沿岸康樂活動都唔可以喺區內進行架！） 難易度：★★☆☆☆ 長度：約7.2公里 所需時間：約2小時（不包括拍照及休息時間） 出發交通：港鐵筲箕灣站A...
呢條路線嘅起點正正喺港鐵鰂魚涌站，交通極為方便。雖然路途初段都係上斜路段為主，但初學者只要慢慢行都唔難應付。呢條路大部分都係石屎路，所以唔洗擔心崎嶇不平同埋沾滿泥濘。從柏架山道開始，行大約10分鐘，已見一座極具歐陸色彩嘅紅屋，此屋以前係太古洋行職員宿舍，現時已改建為漁農自然護理署嘅自然教育中心。除紅屋外，經過大風坳涼刻亭後，大潭水塘一帶亦有多座古典味濃嘅英式石橋，非常適合拍照留影。 難易度：★★☆☆☆ 長度：9公里 所需時間：約3小時 (不包括拍照及休息時間) 出發交通：港鐵鰂魚涌站A出口步行至柏架山道 回程交通：大潭道坐14號巴士回西灣河 路線：柏架山道 -> 紅屋 -> 柏架山道 -> 大風坳 -> 大潭水塘 – > 大潭道
山頂除咗係著名嘅觀光地點外，附近亦有唔少行山路線適合初學者，除左適合一家大細嘅山頂環迴步行徑同比較斜嘅舊山頂道落中環路線外，今次想介紹呢條薄扶林水塘路線比大家。雖然呢條路線比起嘅其他入門路線係冇咩打卡、影相位置，但勝在緩緩落山嘅路段平坦易行，而且途上綠樹成蔭，總算可乘機洗滌心靈。如果嫌行程太平淡，可於出發前先由山頂廣場行5分鐘，到柯士甸山遊樂場野餐或影吓相，呢個公園採用古典英式庭園設計，不論係涼亭、噴水池，甚或公廁都令你仿如置身歐洲一樣。 難易度：★☆☆☆☆ 長度：8.5公里 所需時間：約2.5小時 (不包括拍照及休息時間) 出發交通：中環交易廣場巴士總站坐15號巴士至山頂廣場 回程交通：薄扶林道乘巴士前往多區 路線：山頂廣場 -> 夏力道 -> 薄扶林水塘 -> 薄扶林道
講完港島嘅行山好去處，就等小編講吓呢條喺大嶼山嘅路線啦。即使喺假日，呢條路線都比較少人，樂得清靜之餘亦唔會太迫。呢條路線最辛苦就係過左銀礦灣沙灘之後行上「天梯」一段，因為要連續行200幾米高嘅梯級上山。不過辛苦過後，登頂回望後方嘅無敵大海景，你頓時會覺得流咗嘅汗水都係值得嘅。隨後途經嘅神樂院亦係一個頗有中西文化融合特色嘅宗教地域，唔講唔知，原來呢度係十字牌牛奶嘅發源地嚟架。 （註：如果想比較輕鬆咁行呢條路線，可以考慮「逆走」，即由愉景灣出發行至梅窩，可以避過行上「天梯」的辛苦位，若傍晚時份到達終點梅窩，更可吃個海鮮晚餐！） 難易度：★★☆☆☆ 長度：6.5公里 所需時間：約2小時 (不包括拍照及休息時間) 出發交通：中環港外線6號碼頭坐船去梅窩 / 東涌市中心坐3M號新大嶼山巴士去梅窩碼頭 ...
嚟到新界亦有唔少靚景路線，小編覺得最靚又比較易行一定要數呢條馬鞍山郊遊徑。此徑沿路可以睇到舊日馬鞍山礦場嘅部份遺跡，而登上昂坪草原後，景色漸入佳境，可以環望西貢沿海一帶同埋對出嘅海島，令人精神為之一振。要注要此路上昂坪之後都係以泥沙路為主，而且落山途中有一段係泥石級，唔係工整嘅梯級，建議各位要著遠足專用嘅行山鞋出發。 （註：此郊遊徑嘅正式起點喺馬鞍山燒烤場，由恒安邨出發要行45至60分鐘左右，而且大部份係斜路，頗為吃力。如果體力有限，小編建議可坐的士至燒烤場先開始行程。） 難易度：★★☆☆☆ 長度：4.5公里 所需時間：約2小時 (不包括拍照及休息時間) 出發交通：馬鞍山市中心坐的士 / 恒安邨步行至馬鞍山燒烤場 回程交通：终點西貢消防局附近車站有巴士及小巴前往彩虹/ 將軍澳等多區 路線：馬...
唔少行山路線都係圍繞水塘而建，山水相連嘅風景始終有多少保證，唔洗驚影唔到相「交功課」。想講呢條路線位於新界西，鄰近錦田嘅河背水塘，呢度仲曾經獲選為「香港郊野十景」之一，可見景色之美。話明係家樂徑，全程只係大約2公里，可以喺1個鐘內行完，不過起程前要先由河背村行大約30分鐘先到達家樂徑入口，來回加埋預大約2個鐘就差唔多。如果時間上有鬆動，不妨可以去埋家樂徑附近嘅青協有機農莊參觀添。 難易度：★☆☆☆☆ 長度：4.5公里 所需時間：約2小時 (不包括拍照及休息時間) 出發交通：元朗泰衡街 / 錦上路鐵路站坐71號小巴至河背村 回程交通：河背村坐71號小巴至錦上路鐵路站 / 元朗泰衡街 路線：河背村 -> 河背水塘家樂徑 -> 河背村
上面講咗幾條都係港島、新界同離島嘅路線，依家介紹一條頗為鄰近九龍同將軍澳市區嘅路線，就係近年幾Hit嘅小夏威夷徑。呢條徑恰如「城市中嘅綠洲」，路程相對較短，而且無咩辛苦嘅上斜位，大人應該可以1個鐘左右行晒；即使一家大細一齊行，慢慢觀賞小夏威夷瀑布同影吓相，應該都唔洗2個鐘就可以完成，絕對係周末家庭樂的好選擇。 難易度：★☆☆☆☆ 長度：3公里 所需時間：約1小時 (不包括拍照及休息時間) 出發交通：港鐵彩虹站坐1/ 1A號小巴或91/ 91M/ 92號巴士(西貢方向)至井欄樹 回程交通：終點為寶琳港鐵站 路線：井欄樹 -> 衛奕信徑3段 -> 小夏威夷徑 -> 小夏威夷瀑布 -> 寶康路 -> 寶豐路 -> 寶琳港鐵站 山路崎嶇，當然唔可以著西裝、高踭鞋行山啦，穿著返正統行山服裝始終比較安全...
憑滙豐EveryMile信用卡旅遊保障包括航班延誤、行李延誤個人意外、緊急援助、遺失錢財及旅游證件等。. 保障受保人包括持卡人、同行配偶及持卡人子女（需為24歲以下及未婚；如子女超過21歲，需為全日制學生）。. 保障項目. 個人旅遊保額. 家庭旅遊保額 ...
foodpanda： 前往官網填寫簡單個人資料，等待公司電郵或短訊通知面試時間，當日帶齊所需文件，領取裝備及接受培訓，過程大約需要一小時，簽約後就可以開工。. 如想加入可 按此 。. Deliveroo： 前往官網填寫簡單表格及等待面試通知，當日需提交所需相關文件 ...
大時大節、生日慶祝，不少香港人都會約家人、朋友到酒店食自助餐。不過吃一次自助餐不便宜，不是日日都會有機會任食多種豪華美食，所以今日 MoneyHero 就向大家介紹自助餐回本攻略的「2招+6步」，一步步拆解自助餐迷思。到底點食先最回本，同時又不會因為不當飲食而傷身？
香港人口中，稱得上「總有一間在你左近」的就只有7仔和M記？我們不得不加上 759阿信屋 了！其247間分店，遍及全港、九、新界。零售業務更由零食大大擴展至超市、急凍市場、家品、茶餐廳、Cafe等等。究竟， 759阿信屋 的創辦人林偉駿，所走過的成功之路上，有什麼秘訣呢？
廉航 早已係一眾窮遊人士嘅恩物，準備要買機票嘅日子，每天看著廉航網站，等待極低價機票也是常態吧？不過，買到一張廉航機票，又是否代表你可以放心去旅行？當出現意外，機票持有人又可怎樣保障自己的權益，確保有一個滿意的旅程？MoneyHero.com.hk就教你醒目坐廉航，咁就不用怕美滿旅程被 ...
